GIANT BEAR BANK

呢期好鐘意兩樣野, 態同埋dot dot(圓點). 我仲係city super買左兩個熊錢箱, 就係上圖果兩個.
好可愛真係! 我d朋友一見到就話: 咪同你一樣. 想像有隻熊係銀行櫃台做櫃員!
今日星期六, 我又唔洗工, 起身果陣已經係兩點. 去屋企後面圍村食野, 返屋企溫書. 等待夜晚
鱷魚(爸爸)拿手豬骨煲! 所以我都唔想出街, 好怕好多人. 懷疑自己係隱閉青年!
下個星期我惡夢又開始, 又要去做最煩忙匯款! 又要由早上緊張到放工(因為同事放假), 好唔想做
呀! 不過因為辛苦, 有同事同有d客話我瘦左. 梗係啦, 忙到連食飯時間得半個鐘, 都無真正品嚐個午 餐!

為愛而生

終於可以聽五月天新歌. 未聽之前, 我在唔理今次好唔好聽, 我都會繼續支持他們. 點知都係
咁好聽, 首首我都好鐘意. 現在我滿腦子都係五月天0既歌, 工作時候都會無啦啦鏗出他們的
歌. 今次新專輯以愛為主, 聽完唔會覺得絶望, 因他們宣揚愛力量有多大, 有多偉大. 愛包括
有朋友愛, 家人愛, 男女之間的愛. 如果d人去卡拉ok唱他們的歌, 趴係地上一邊醉一邊嚎哭,
拿進手提電話表現誇張同男朋友嘈交, 又或者唱唱下歌就喊, 坐埋一邊唔出聲係咁食煙(而家
唔會發生), 以上呢d情景會減少. 朋友話他們會五月來香港, 不知是開演唱會, 或是做宣傳.
他們剛在台灣搞左個通頂簽名會, 黎緊搞十場新歌演唱會, 佢地真係幾厲害, 成日咁唱d歌都唔
會悶. 因為買佢地隻碟, 就會有演唱會門票, 這樣d歌迷就會買正版, 真係幾有意義.
我的進化論 人-> 北極態. 我好多朋友都話我愈來愈似北極熊, 仲要係似可口可樂果隻北極熊.
有一日, 我妹都話我似, 由其係訓係梳化果陣, 好似北極熊係到哂太陽. 我個樣又幾似, 隻眼又
係咁細, 身形都係咁巨大, 哈哈!!